БАА Про-Лигасининг 22-туридан ўрин олган бир қатор учрашувлар 20 март, шанба куни бўлиб ўтди.

«Шабоб ал-Аҳли» сафарда «Аз-Зафра» билан ўйнади ва 2:1 ҳисобидаги ғалабани қўлга киритди. Учрашувнинг асосий таркибида майдонга тушган Одил Ҳамробеков 64-дақиқада захира олинган бўлса, Жалолиддин Машарипов 90 дақиқа ўйнади.

«Шаржа» «Ал-Васл» меҳмони бўлди. Иккита тўп фарқи билан ортда бораётган меҳмонлар ўйин сўнггида вазиятни ўнглади ва дуранг натижага эришди. Мазкур баҳсда ўзбекистонлик ярим ҳимоячи Отабек Шукуров тўлиқ ҳаракат қилди.

Достон Ҳамдамовнинг «Ҳатта»си эса «Банияс» майдонига сафар қилди ва минимал ҳисобдаги мағлубиятни қабул қилиб олди. Ҳамдамов 69-дақиқада захирага олинди.

«Шаржа» 41 очко билан 3-ўринда бормоқда ва пешқадам «Банияс»дан 7 очко ортда қолган. «Шабоб ал-Аҳли» 40 очко билан 4-поғонадан жой олган бўлса, «Ҳатта» (8) сўнгги ўринда бормоқда.

БАА Про-Лигаси, 22-тур баҳслари

20 март, шанба
«Аз-Зафра» — «Шабоб ал-Аҳли» 1:2
Голлар: 0:1 – 11, пенальти Картабия, 1:1 – 53 Мзауийяни, 1:2 – 67, автогор Павлов.

«Ал-Васл» — «Шаржа» 3:3
Голлар: 1:0 – 15 Жоао Фигейредо, 2:0 – 41 Жоао Фигейредо, 2:1 – 49 Веллитон, 3:1 – 50 Салмин, 3:2 – 76 Рашид, 3:3 – 90+2 Солиҳ

«Банияс» — «Ҳатта» 1:0
Гол: 1:0 – 28 Хименес.