Хабарингиз бор, 18-20 март кунлари Суперлигада 3-тур ўйинлари ўтказилди. Мазкур турдаги 7 та учрашувга жами 39491 мухлис ташриф буюрди.

Бу эса турнинг битта баҳсига ўртача 5642 ишқибозни ташкил қилади (аввалги тур билан солиштирганда бу галги беллашувларга 2000 нафар кўпроқ томошабин келган).

Мазкур тур баҳсларида энг кўп мухлис Намангандаги “Марказий” ўйингоҳда кузатилиб, “Навбаҳор” – “Насаф” ўйинига 19358 нафар мухлис ташриф буюрди.

Ишқибозларнинг энг кам ташрифи эса Муборакдаги “Машъал” – “Металлург” баҳсида қайд этилди – 558 нафар.  

Суперлиганинг 3-тур учрашувларига ташриф буюрган мухлислар сони қуйидагича кўриниш олди:

“Навбаҳор” – “Насаф” - 0:0. 19358 томошабин.

“Қизилқум” – “Сўғдиёна” - 1:1. 5632 томошабин.

“Турон” – “Локомотив” - 2:2. 5000 томошабин.

“Сурхон” – “Қўқон-1912” 1:1. 3576 томошабин.

АГМК – “Пахтакор” 0:3. 3012 томошабин.

“Бунёдкор” – “Андижон” 3:1. 2355 томошабин.

“Машъал” – “Металлург” 2:1. 558 томошабин.

Эслатиб ўтамиз, Coca Cola Суперлига 1-туридан ўрин олган “Навбаҳор” – “Сўғдиёна” ўйинига 17558 нафар томошабин ташриф буюрган ва ўша турда ҳам Намангандаги “Марказий” ўйингоҳ мухлислар ташрифи бўйича пешқадам бўлганди.        

“Навбаҳор” ПФК матбуот хизмати.