Италия чемпионатининг 28-тури доирасида «Рома» ўз майдонида «Наполи»ни қабул қилиб, имкониятни бой бериб қўйди.

Учрашувнинг 27 ва 34-дақиқалар меҳмонлар учун омадли келди. Неаполликлар форварди Дрис Мертенс ушбу вақт оралиғида иккита гол уриб, рақибни "нокдаун"га учратди.

Римликлар эса ушбу голлардан кейин ўзларига тўлиқ келишга улгуришмади ҳамда ўйин охирига қадар "Наполи" дарвозасига йўл топа олишмади.

Ушбу ғалабадан кейин «Наполи» очколарини 53тага етказиб олган ҳолда 5-ўринни мустаҳкамлади. «Рома» (50) эса 6-поғонада бормоқда.

Италия А серияси, 28-тур
Рома – Наполи 0:2 (0:2, 0:0)
Голлар: 0:1 – 27 Мертенс, 0:2 – 34 Мертенс.
Рома – Лопес, Спинаццола, Рожер, Манчини, Карсдорп, Пеллегрини (Кумбула, 83), Кристанте, Эл-Шаарави, Диавара (Вильяр, 67), Педро (Карлес Перес, 67), Джеко (Майораль, 67).
Наполи – Оспина, Хюсай, Максимович (Манолас, 86), Мариу Руй, Кулибали, Демме, Фабиан Руис, Политано (Лосано, 73), Зелиньски (Элмаз, 73), Инсинье (Бакайоко, 87), Мертенс (Осимхен, 66).
Огоҳлантиришлар: Рожер (26), Манчини (45), Зелиньски (47), Диавара (59), Эль-Шаарави (63), Кулибали (78), Вильяр (85), Осимхен (90).