Лондоннинг "Арсенал" клуби бош мураббийи Арсен Венгер жамоада Андрей Аршавинни олиб қолиш истагида эканини маълум қилдди.
"Аршавин асосан қанотда ҳаракат қилади, худди "КПР" клубига қарши ўйин каби. Унинг кутилмаганда қабул қилган қарорлари кўп холда фойдали бўлиб чиқади. "КПР"га қарши ўйинда Ван Персини ажойиб пас билан таъминлади ва ўша вазият гол билан якунланди. Демак Аршавин самарали футболчи.
Агар сиз Андрей қайд этаётган статистикага назар ташласангиз, унинг қанчалик яхши экани намоён бўлади. Гоҳида футболчилар сизда илиқ таассурот қолдирмайдиган даражада тўп суради. Бироқ уларнинг биргина самарали ҳаракати ўйин тақдирини ҳал этиши мумкин. Аршавинда иқтидор бор эканига шубҳа қилмайман. Сўнгги ўйинда Аршавин майдонга чиқиши кераклигини исботлай олди. Унга ишонч жуда ҳам муҳим. Қачонки у эркин ҳаракат қилса барча нарсага эришиши мумкин", дейди Венгер "кононирлар" расмий веб-сайтига берган интервьюсида.
Маълумот ўрнида айтиш керакки, Аршавиннинг "Арсенал" билан амалдаги шартномаси 2012 йилнинг 30 июнь куни ниҳоясига етади. Жорий мавсумда "тўпчилар" сафида 24та ўйинда иштирок этган футболчи 2та голга муаллифлик қилган.
