ФИФА кунлари туфайли миллий чемпионатларда юзага келган танаффусдан фойдаланиб, 2021 йилги «Олтин бутса» соврини учун курашга тўхталиб ўтишга қарор қилдик.

Ўтган йили мазкур соврин учун курашда сўнгги паллаларда имкониятни қўлдан чиқарган Роберт Левандовски, бу сафар анча жиддий кураш олиб бормоқда. Польшалик футболчи Германия чемпионатининг 26-туридан кейин 35та гол билан яққол пешқадам бўлиб турибди.

Ўтган йилги "Олтин бутса" соҳиби Чиро Иммобиле ("Лацио") эса ҳозирча 14та гол урган холос. Бу сафар "Бавария" форвардини Лионель Месси ва Криштиану Роналду таъқиб қилишмоқда. Уларнинг ҳисобида айни пайтга келиб 23тадан гол мавжуд.

Эрлинг Холанд ("Боруссия" Дортмунд) ва Андре Силва ("Айнтрахт" Франкфурт) 21тадан гол билан 4 ва 5-поғоналарни эгаллаб туришибди.

"Олтин бутса"-2020/21: Топ-10 футболчилар (23 март ҳолатига):

1. Роберт Левандовски ("Бавария", Германия) – 35 гол, 70 балл (коэффициент – 2)

2-3. Криштиану Роналду ("Ювентус", Италия) – 23 гол, 46 балл (коэффициент – 2)

2-3. Лионель Месси ("Барселона", Испания) – 23 гол, 46 балл (коэффициент – 2)

4-5. Эрлинг Холанд ("Боруссия" Дортмунд, Германия) – 21 гол, 42 балл (коэффициент – 2)

4-5. Андре Силва ("Айнтрахт" Франкфурт, Германия) – 21 гол, 42 балл (коэффициент – 2)

6. Каспер Юнкер ("Буде-Глимт", Норвегия) – 27 гол, 40,5 балл (коэффициент – 1,5)

7. Килиан Мбаппе (ПСЖ, Франция) – 20 гол, 40 балл (коэффициент – 2)

8-9. Ромелу Лукаку ("Интер", Италия) – 19 гол, 38 балл (коэффициент – 2)

8-9. Луис Суарес ("Атлетико", Испания) – 19 гол, 38 балл (коэффициент – 2)

10-11. Амаль Пеллегрино ("Кристиансунд", Норвегия) – 25 гол, 37,5 балл (коэффициент – 1,5)

10-11. Поль Онуаху ("Генк", Бельгия) – 25 гол, 37,5 балл (коэффициент – 1,5).