Бавариянинг канадалик ҳимоячиси Альфонсо Девис БМТнинг қочоқлар бўйича хайрихоҳ элчисига айланди, дея хабар қилади ташкилот расмий сайти.
Эслатиб ўтамиз, Девис Ганадаги қочқинлар лагерьида туғилган, унинг ота-онаси Либериядаги фуқаролик урушидан қочиб, омон қолган.
«Мен БМТнинг Қочқинлар бўйича хайрихоҳ элчиси бўлганимдан фахрланаман. Ўз тажрибам мени қочқинларни ҳимоя қилиш, ўз фикрларим билан ўртоқлашиш ва дунёни яхши томонга ўзгартиришга ёрдам беришга ундайди», -дейди канадалик футболчи.
Девис жорий мавсум Германия Бундеслигасида 17 ўйин ўтказиб, 1 гол ва 1 голли узатма амалга оширди. 2017 йилдан бери ҳимоячи Канада терма жамоасига мунтазам чақирилади.
