"Атлетико Мадрид" ва "Челси"нинг собиқ ҳужумчиси Диего Коста фаолиятини ёзда Португалиянинг "Бенфика" клубида давом эттиради.
Португалия клуби 32 ёшли футболчи билан принципиал келишувга эришган. Испаниялик ҳужумчи 2020 йил декабрьида "Атлетико"дан кетганидан сўнг эркин агент мақомида бўлиб турибди.
Аввалроқ "Бенфика" Костага йилига 3 миллион эвро маош билан икки йиллик шартнома таклиф қилгани ҳақида хабар берилган эди.
Трансфер нархи 10 миллион еврога баҳоланаётган Коста фаолияти давомида Португалиянинг "Брага", "Пенафиел", Испаниянинг "Атлетико", "Сельта", "Альбасете", "Вальядолид", "Райо Вальекано" ва Англиянинг "Челси" жамоаларида тўп тепган.
