"Ювентус" футболчиси Пауло Дибала мавсум охирида клубни тарк этиши мумкин.
Ўтган ёзда клуб раҳбарияти ҳужумчига бир қанча бонуслари билан 10 миллион ерволик маош таклиф этган эди. Аммо, футболчи ва унинг агенти бундай шартлар бўйича келишув тузишни истамади.
Ўз навбатида, "Ювентус" ушбу таклифни оширишни ўйламаяпти. Агар аргентиналик бунга рози бўлмаса, у катта эҳтимол билан ёзги трансфер ойнасида жамоани тарк этади.
Чунки клуб 2022 йил ёзида футболчини текинга қўйиб юбормоқчи эмас.
Дибала жароҳати туфайли 10 январдан буён майдонга тушмаяпти. Ушбу мавсумда 27 ёшли ҳужумчи А Серияда бор йўғи 11 ўйинда майдонга тушди. Бу ўйинларда унинг ҳисобида 2 гол ва 2 голли узатма мавжуд.
