«Манчестер Сити» ҳужумчиси Серхио Агуэро фаолиятини Италия чемпионатида давом эттириши мумкин, деб хабар беради Football Italia.
Манбага кўра, "Ювентус" ва "Интер" аргентиналикнинг хизматларига қизиқиш билдирмоқда.
Футболчининг "шаҳарликлар" билан шартномаси 2021 йил 30 июнда тугайди ва у шундан сўнг, жамоани тарк этишини расман маълум қилди.
Эслатиб ўтамиз, "Манчестер Сити"га 2011 йил ёзда "Атлетико"дан кўчиб ўтган Серхио Агуэро Манчестер клуби таркибида тўрт марта Англия чемпионлиги, беш маротаба Лига кубоги, уч бора мамлакат Суперкубогини қўлга киритди. 2018/19 йилги мавсумда эса Англия кубогига эга чиқди.
Аргентиналик ҳужумчи ушбу мавсумь8 учрашувда майдонда кўриниш берди ва 1 гол урди.