"Барселона" бош мураббийи Хосеп Гвардиола жаҳоннинг энг кучли таянч ярим ҳимоячиси унинг жамоасида ўйнаётганлигини таъкидлаб ўтди.

"Ҳозирги кунда Бускетс дунёнинг энг кучли таянч ярим ҳимоячисидир. Бундай футболчи айнан менинг жамоамда ўйнаётганидан жуда хурсандман. "Барселона" ўз таркибида мана шундай бебаҳо ўйинчига эга. У тактик жиҳатдан жудаям мукаммал ва ақлли ўйинчи. Яқин келажакда у ҳали жамоага жуда катта фойда олиб келишига ишончим комил.

Бускетс Пуйол ва Хавининг муносиб давомчиси бўла олади. У жуда оддий ва камтар йигит. Аммо машғулот ва ўйин пайтида жангчига айлана олади. Бундай футболчилар ҳозирги кунда жуда қадрланади", - дея Гвардиоланинг сўзларидан иқтибос келтирмоқда Goal.com.