"Манчестер Сити" ёзги трансфер ойнасида катта маблағ киритишни режалаштирмоқда.
"Шаҳарликлар" бош мураббийи Хосеп Гвардиола "Боруссия Д" ҳужумчиси Эрлинг Xоланд ва "Астон Вилла" яримҳимоячиси Жек Грилишлар билан таркибни янгиламоқчи.
Чунки келаси мавсум бошида Кевин Де Брюйне, Рияд Марез ва Илкай Гюндоганлар 30 ёшга тўлади. Клуб Холанд ва Грилиш учун 200 миллион фунт стерлинг сарф қилиши кутилмоқда.
Гвардиола Холандни ёзда "Ман Сити" дан кетишини эълон қилган Серхио Агуэронинг ўрнига идеал ўринбосар сифатида кўрмоқда.
Бордию, норвегиялик "Реал" ёки "Челси"га ўтиб кетадиган бўлса, "Манчестер Сити" муқобил номзодлар рўйхатига мурожаат қилади. Улардан бири "Тоттенхэм" ҳужумчиси Харри Кейн.
Шунингдек Манчестер клубининг Грилишга бўлган қизиқиш бир неча ҳафта олдин кескин ошди. "Шаҳарликлар" битимни муваффақиятли якунлашига умид қилишмоқда, гарчи "Астон Вилла" эгалари жамоанинг асосий юлдузини сотиш ниятида бўлмасаларда.
