"Манчестер Юнайтед" Дортмунднинг "Боруссия Д" клуби яримҳимоячиси Жейдон Санчо билан шартнома имзолашни ўйламоқда, дея хабар беради Eurosport.
Манчестер клуби келаси мавсум футболчини ўз сафида кўришни истайди. Аммо, немис клубидан келадиган яримҳимоячининг нархи "қизил иблислар"га маъқул эмас. Улар "Боруссия" сўраётган 100 миллион фунтни жуда юқори нарх деб ҳисоблайди.
Клуб Санчо учун бундай пул тўламоқчи эмас ва ҳозирги шароитда унинг нархи 50-60 миллион фунтга тенг эканига амин.
Маълумот учун, жорий мавсумда Санчо Бундеслиганинг 21 учрашувида майдонга тушди ва 6 гол уриб, 9 голга узатма амалга оширди.
