Ўйиндан ташқари ҳолатни аниқлаш механизми ишламаслиги мумкин.

"Бугун Ўзбекистон Суперлигасининг 4-тури доирасидаги «Андижон» – “Машъал” баҳсида VAR тизими фаолият олиб боришидан хабарингиз бор.

Айни дақиқаларда VAR мутахассислари стадионда техникани ўрнатиш ишларини якунлашмоқда. VAR мутахассисларининг маълумот беришича, юзага келган кичик техник муаммо сабаб бугунги учрашувда ўйиндан ташқари ҳолатни аниқлаб берувчи тизим ишламаслиги эҳтимоли мавжуд.

Агар ўйин стартига қадар мазкур техник муаммо бартараф этилмаса, оффсайд тизимини одатдагидек кўз ёрдамида аниқлаш лозим бўлади. Қолган барча жабҳада эса VAR фаолият олиб боради."