"Аталанта" ҳужумчиси Дуван Запата ўзининг келажаги ҳақидаги фикрлари билан ўртоқлашди.
«Менинг келажагим Премьер Лигада? Сиз футболда башорат қила олмайсиз. Бироқ, ҳар нарса бўлиши мумкин. Мен болалигимда ҳар доим Премьер-лигани кузатиб борардим.
Шу сабабли мен "Арсенал" мухлисман. Мен уларнинг ўйинларини кўриш учун ҳар ҳафтанинг охирида эрта уйғонганман», - дейди Запата.
Эслатиб ўтамиз, 30 ёшли колумбиялик "Аталанта"га 2020 йилнинг январьида кўчиб ўтган эди, унинг клуб билан шартномаси 2023 йил ёзда тугайди.
Маълумот учун, футболчи жорий мавсум барча мусобақаларда 38 учрашув ўтказиб, 14 гол урган ва 12 голли узатма амалга оширган.
