Ёзда эркин агентга айланиши кутилаётган "Ливерпуль" ярим ҳимоячиси Жоржиньо Вейналдумнинг "Барселона"га ўтиши ҳақида хабарлар тарқалаётган эди. Аммо, "кўк-анорранглилар" мураббийлар штаби ва клуб президенти бу трансфердан воз кечиш ҳақида ўйламоқда.
Жоан Лапорта Ла Масия футболчиларига имкон беришни хоҳлайди ва уларнинг ўсиши учун шароит яратиб бериш ниятида. Хусусан, клуб ёш иқтидор эгаси Илайш Морибани асосий жамоа футболчисига айлантирмоқчи ва шу сабаб нидерландиялик футболчининг трансфери амалга ошмаслиги мумкин.
Эслатиб ўтамиз, 18 ёшли Мориба январ ойидан бери асосий жамоанинг 5 ўйинида майдонга тушиб, 1 та гол ва 2 та ассистни ўз ҳисобига ёздириб қўйди.
