«Ливерпуль» устози Юрген жамоанинг ўнг қанот ҳимоячиси Трент Александр-Арнолдни 2022 йилги Жаҳон чемпионати саралаш баҳслари учун терма жамоага чақирилмаганлигига изоҳ берди.
«Биз ҳар доим бошқа одамлар тушунмаслиги мумкин бўлган қарорларни қабул қиламиз.
Албатта, мен Гаретнинг қарорларини ҳурмат қиламан, лекин мен буни тушунмаяпман.
Чунки ҳеч бўлмаганда сўнгги икки мавсумда Трент ўзини ажойиб даражадаги ўнг қанот ҳимоячиси сифатида кўрсатди. У бундай даражани ниҳоятда ёшлигида намойиш этади.
Менда футболчиларимни танқид қилишда муаммо йўқ. Улар танқидларни мендан ҳам олишади. Бироқ, Трент ҳақидаги юқорида айтганларим ҳақиқат", -дейди германиялик мутахассис.
