«Боруссия Дортмунд» ҳужумчиси Эрлинг Холанд «Реал»га ўтишни хоҳламоқда, деб хабар беради АS.
Манбаг кўра, Холанднинг отаси бу ҳақда «Қироллик клуби» ижрочи директори Хосе Анхель Санчес билан суҳбатда маълум қилган.
Аввалроқ, норвегияликнинг агенти Мино Райола ва унинг отаси 1 апрель куни Барселонага сафар қилишган. У ерда «Барселона» президенти Жоан Лапорте билан музокаралар олиб боришган.
Бир неча соатдан сўнг эса Мадридга «Реал» президенти Флорентино Перес билан учрашиш учун учиб кетишган.
Қайд этиш мумкин, Эрлингнинг норвегияликнинг «асаларилар» билан шартномаси 2024 йил 30-июньгача амал қилади.
110 миллион еврога баҳоланаётган футболчи ушбу мавсум Бундеслигасининг 21 учрашувида 21 гол урди ва 4 голли узатма амалга оширди.
