А Серия 29 турдан ўрин олган баҳсда "Наполи" ўз майдонида "Кротоне"ни меҳмон қилди. Неапол шаҳридаги ўйингоҳ мезбонлик қилган учрашув майдон эгаларининг 4:3 ҳисобидаги ғалабаси билан якун топди.
Дастлаб, биринчи бўлимда неаполликлар рақиб дарвозасини 3 бор ишғол этишди. Бу голларга рақиблар бир жавоб қайтара олишди.
Иккинчи таймда эса "Кротоне" мезбонлар дарвозасига иккита гол киритди, "Наполи" эса битта гол ўрди. Якунда умумий ҳисоб 4:3 ва майдон эгалари 3 очко ишлаб олишди.
Шу тариқа "Наполи" 56 очко жамғарган ҳолда тўртинчи ўриндан жой олди. 15 очко тўплаган "Кротоне"эса сўнгги, йигирманчи поғонани банд этган.
«Наполи» – «Кротоне» 4:3 (3:1, 1:2) «Сан-Паоло»
Голлар: 1:0 – 19 Инсинье, 2:0 – 22 Осимхен, 2:1 – 25 Нванкво, 3:1 – 34 Мертенс, 3:2 – 48 Нванкво, 3:3 – 59 Жуниор Мессиас, 4:3 – 72 Ди Лоренцо.
«Наполи» – Мерет, Ди Лоренцо, Мариу Руй, Манолас, Максимович, Бакайоко (Элмаз, 62), Фабиан Руис, Инсинье, Политано (Лосано, 62), Осимхен (Петанья, 90), Мертенс (Зелиньски, 73).
«Кротоне» – Кордац, Джиджи, Луперто (Марроне, 90), Големич, Рисполи (Педру Перейра, 46), Молина (Ди Кармине, 90), Бенали, Дзанеллато (Рохас, 81), Унас (Вулич, 46), Жуниор Мессиас, Нванкво.
Огоҳлантиришлар:
Рисполи (19), Бенали (67), Педру Перейра (78), Рохас (87).
