«Реал» бош мураббийи Зинедин Зидан яримҳимоячи Федерико Вальверде ва ҳужумчи Эден Азар сафга қайтишга яқин турганини маълум қилди.
«Умид қиламанки, биз Азар ва Вальвердени сафга қайтишга деярли тайёр. Яқин вақт ичида уларнинг қандай аҳволда эканликлари ойдинлашади.
Мен уларнинг «Ливерпуль» билан Чемпионлар Лигаси чорак финалининг биринчи ўйинида майдонга тушишларига ишонаман», - дея таъкидлайди франциялик мутахассис.
Эслатиб ўтамиз, «Реал» ва «Ливерпуль» ўртасидаги учрашув 6 апрел куни бўлиб ўтади.
Маълумот ўрнида, жорий мавсум 22 ёшли Вальверде 25 учрашув ўтказди ва 3 гол, 1 голли узатма қайд этди. 30 ёшли Азар эса 14 учрашувда 3 гол уришга муваффақ бўлди.
