«Арсенал» бош мураббийи Микел Артета Лондон клубининг бразилиялик ҳимоячиси Давид Луиз тиззасидан олган жароҳати туфайли бир неча ҳафтани ўтказиб юборишини маълум қилди.
«Давид қачон қайтишини билмаймиз. Унинг жароҳатида жарроҳлик амалиёти ўтказилиши мумкин, бироқ бошқа чоралар ҳам бўлишига умид қиламиз. Биз шифокорлар билан биргаликда тўғри қарор қабул қиламиз.
У камида бир неча ҳафтани ўтказиб юбориши аниқ. Ушбу мавсумда у майдонга қайтадими ёки йўқми, билмайман», - дейди испаниялик мутахассиснинг сўзларини келтиради «канонирлар» расмий сайти.
Жорий мавсумда 33 ёшли Луиз «Арсенал» сафида ўтказган барча мусобақалардаги 29 учрашувда 2 гол урди. Унинг клуб билан шартномаси 2021 йилнинг ёзигача амал қилади.
