«Arsenal» bosh murabbiyi Mikel Arteta London klubining braziliyalik himoyachisi David Luiz tizzasidan olgan jarohati tufayli bir necha haftani o‘tkazib yuborishini ma’lum qildi.
«David qachon qaytishini bilmaymiz. Uning jarohatida jarrohlik amaliyoti o‘tkazilishi mumkin, biroq boshqa choralar ham bo‘lishiga umid qilamiz. Biz shifokorlar bilan birgalikda to‘g‘ri qaror qabul qilamiz.
U kamida bir necha haftani o‘tkazib yuborishi aniq. Ushbu mavsumda u maydonga qaytadimi yoki yo‘qmi, bilmayman», - deydi ispaniyalik mutaxassisning so‘zlarini keltiradi «kanonirlar» rasmiy sayti.
Joriy mavsumda 33 yoshli Luiz «Arsenal» safida o‘tkazgan barcha musobaqalardagi 29 uchrashuvda 2 gol urdi. Uning klub bilan shartnomasi 2021 yilning yozigacha amal qiladi.
