«Ювентус» ҳужумчиси Пауло Дйбала ёзги трансферлар вақтида клубини ўзгартириши мумкин.

Аргентиналикнинг амалдаги шартномаси келаси мавсум охирига қадар тузилган. Миш-мишларга кўра, футболчи «кекса синьоре»нинг янги меҳнат шартномаси бўйича таклифини рад этган.

Шунингдек, Дибаланинг клуб билан муносабатлари ёмонлашган ва карантин қоидаларини бузиш билан боғлиқ ҳолат вазиятни янада чигаллаштирган.

Англиянинг «Эвертон»клуби ҳақиқатан ҳам Дибалани трансфер қилмоқчи, аммо футболчи бу вариантга умуман қизиқмайди ва ушбу таклифни рад этади.

Жорий мавсумда Пауло Дибала «Ювентус» сафида 16 ўйин ўтказиб, 3 гол урди ва 2 голли пас амалга оширди.