"Манчестер Юнайтед" ҳужумчиси Димитар Бербатов леверкузеннинг "Байер" клуби билан музокара олиб бориш учун Германияга учиб кетган, дея хабар бермоқда "Kikker" нашри. Якшанба куни болгариялик футболчини Франкфурт шахри аэропортида кўришган. Франкфуртда футболчи ўзининг собиқ жамоаси президенти Вольфганг Хольцхойзер билан кўришгани ва ўзининг келажаги борасида суҳбат қургани айтилмоқда.
Бундан бир қанча вақт муқаддам, "МЮ" бош мураббийи Алекс Фергюссон Бербатов билан амалдаги шартномани узайтиришни истаётганини таъкидлаган бўлсада, кўпгина нашрлар футболчининг қишда жамоани тарк этишига ишонишмоқда.
"Kikker" нашрининг таъкидлашича "Байер" футболчи борасида "МЮ" раҳбариятига таклиф юборган.
