Ўтган мавсумни Муборакнинг "Машъал" клубида бошлаб, Самарқанднинг "Динамо"сида якунлаган беларуслик легионер Николай Риндюк шанба куни юртимизга учиб келди.

"Ўзбекистонда олдимда жуда яхши моливий шартларни қамраб олган бир неча вариантлар пайдо бўлди, — деган ҳужумчи "Pressball.BY интернет-нашри берган интервьюсида. — Лекин музокараларни телефонда эмас, юзма-юз ўтказишни афзал билдим. Чунки бунда бутунлай бошқа ҳолат ҳукмрон бўлади. Келишимдан аввал "Белшина" бош мураббийи Сергей Яромко билан келишдим. Агар бир ҳафта мобайнида бу ерда бирор натижага эриша олмасам, боришим ҳамоно Бобруйск клуби билан шартнома имзолайдиган бўлдик. Бунга доир ҳамма шарт-шароитларни аллақачон гаплашиб бўлганмиз".