«Реал» бош мураббийи Зайниддин Зидан Европа чемпионлар лигаси чорак финал босқичи доирасида бўлиб ўтган «Ливерпуль»га қарши ўйин (3:1) борасида ўз фикрини билдириб ўтди.

«Ғалаба қувонтиради, аммо ҳиссиётлар аралаш. Биз ажойиб ўйин ўтказдик, аммо иккинчи бўлим бошида муаммоларга дуч келдик. Мен ўйинчилар билан фахрланаман. Аммо олдинда жавоб учрашуви бор.

Иккинчи таймда улар дарвозамиз томон илк марта зарба бериб, гол уришди. Бу ёқимсиз ҳолат, аммо футбол шундай ўйин. Мен ўз жамоамни қўллаб-қувватлайман.

Винисиус гол урганидан хурсандман, бу унга керак эди. У яхши ўйнамоқда, жамоага ёрдам бермоқда ва гол урганида энергия олмоқда.

Бугун ғалаба завқини тотамиз. Олдинда эса «Барселона»га қарши муҳим ўйин кутиб турибди. Аввало эса тикланиш билан машғул бўлишимиз керак», – деди Зидан.