Флорентино Перес «Реал Мадрид»нинг навбатдаги президентлик сайловларида ягона номзод. Бу ҳақида клуб расмий сайти хабар берди.
9 апрель, жума куни амалдаги президентнинг вакили Пересни рўйхатдан ўтказган, бошқа номзодлар эса ўз аризаларини топширмаган. Агар 12 апрелга қадар янги номзодлар пайдо бўлмаса, Переснинг президентлиги автоматик равишда 2025 йилгача узайтирилади.
Перес биринчи марта 2000 йил июль ойида «Реал» ни қабул қилиб олди. 2006 йил февраль ойида у истеъфога чиқди. Иккинчи марта Флорентино 2009 йилда «қаймоқранглилар» президенти бўлди ва шу вақтдан буён ўз лавозимида ишламоқда.
Февраль ойи охирида Прес коронавирусдан тузалгани маълум бўлди. Қироллик клуби президентида касаллик асемптоматик эканлиги хабар қилинган эди.
