«Барселона» тез орада учта футболчи билан шартномани узайтирмоқчи.
«Кўк-анорранглилар» ҳимоячи Оскар Мингеса, шунингдек яримҳимоячилар Илиша Мориба ва Педри учун янги шартномалар тайёрламоқда.
21 ёшли Мингеса ушбу мавсумда «Барса» таркибида 31 ўйин ўтказди ва 1 гол уриб, 2 голли пас амалга оширди. Унинг клуб билан амалдаги шартномаси июнь ойида ўз ниҳоясига этади.
18 ёшли Мориба ушбу мавсумда «Барса» таркибидаги 9 ўйинда 1 гол урди ва 3 голли узатмага муаллифлик қилди. Унинг клуб билан шартномаси 2022 йилгача амал қилади.
18 ёшли Педри эса ушбу мавсумда «Барса» таркибида 43 ўйин ўтказди бу ўйинларда у 3 гол 6 ассист қайд этди. Унинг ҳам клуб билан шартномаси 2022 йилгача мўлжалланган.
