Тошкентнинг "Бунёдкор" клуби бош мураббийи Миржалол Қосимов "Спорт-Экспресс" нашрига интервью берар экан, бугунги "Зенит"га қарши беллашув принципиал аҳамият касб этмаслигини айтиб ўтди.
"Мавсумга "Зенит" сингари тайёргарлик кўрмоқдамиз. Мен фақатгина "Зенит" эмас, Россиянинг бир қатор, "ЦСКА", "Анжи", "Криля Советов" ва табиийки, "Алания" каби клубларининг халқаро майдондаги натижаларига бефарқ эмасман. Боиси бу клублар билан боғлиқ ёрқин хотираларим бор. Ишонаманки, Россияда ҳам "Бунёдкор"га ОЧЛда мухлислик қилувчилар етарли".
"Зенит" ҳақида тўхталадиган бўлсам, клубнинг ЕЧЛда "Порту" устидан қозонган ғалабасидан хурсанд бўлдим. Бугунги "Бунёдкор" ва "Зенит" клублари тўқнашувини принципиал аҳамиятга эга деб айтмаган бўлардим. Боиси бу ердаги барча клубнинг мавсумга тайёргарлик режаси бор. Барча учун оптимал формага кириб олиш, халқаро ўйинлар олдидан яхши тайёргарлик кўра олиш биринчи рақамли мақсад бўлиб қолаверади", дейди Миржалол Қосимов.
