Про-лига баҳсларининг тўртинчи турида «Олимпик» Ғузорнинг «Шўртан» жамоасига қарши майдонга тушди.

Дастлабки дақиқалардан устунликни қўлга олган олимпиясилар ўн дақиқа ичида рақиб дарвозасини уч бор нишонга олишга эришди.

Баҳснинг 27-дақиқасида эса мезбонлар футболчиси Шербек Эшмуродов майдондан четлатилди. Биринчи бўлимнинг сўнгги дақиқаларида Темур Кападзе жамоаси ҳисобни 0:4 га келтирди.

Иккинчи бўлимда футболчиларимиз рақиб дарвозасини яна икки бор ишғол қилди. "Шўртан"нинг яна бир футболчиси иккинчи бўлим ўрталарида майдондан четлатилгани боис, Алиқулов шогирдлари ўйинни 9 футболчи бўлиб якунлашди.

"Олимпик" ушбу ғалабадан сўнг ўз очколарини 7тага етказган бўлса, "Шўртан" ҳисобида ҳали очко мавжуд эмас.

Про-лига, 4-тур
«Шўртан»– «Олимпик» 0:6 (0:4)
Голлар: Бектемир Абдуманнонов 6, Абдурауф Бўриев 8, Отабек Жўрақўзиев 9, Темур Мамасидиқов 45+3, Муҳаммадали Ғиёсов 58, Алишер Одилов 69.
Четлатишлар: Шербек Эшмуродов 27, Нурали Падаров 72.
«Шўртан»: 23. Акмал Раҳимов, 2. Нурали Падаров, 4. Шаҳзод Абдибайитов (32.Руслан Юлмухаметов, 46), 6. Элёр Омонжонов, 7. Бекзод Сувонов, 8. Жаҳонгир Қурбонбоев, 10. Ислом Шодмонов, 11. Асадбек Самариддинов, 14. Акром Баҳромов, 77.Салоҳиддин  Санақулов (66.Аҳмед Қобилжонов, 59), 98.Шербек Эшмуродов.
«Олимпик»: 12. Владимир Назаров, 2. Саидазамат Мирсаидов. 5. Шоҳжаҳон Султонмуродов, 6. Беҳзод Шамсиев (4. Элдорбек Бегимов, 70), 9. Темур Мамасидиқов, 10. Фаррухбек Мухторов, 11. Отабек Жўрақўзиев (37.Алишер Одилов, 46), 14. Бектемир Абдуманнонов (15.Диёр Рамазонов, 46), 23. Абдурауф Бўриев, 24. Хамидхон Рустамхонов, 99. Муҳаммадали Ғиёсов.
Ҳакамлар: Ҳусан Музаффаров, Ҳусниддин Баҳодиров, Фаррух Юлдашев
Назоратчи: Бобир Қодиров
Комиссар: Алишер Файзиев.