«Бавария» «Лейпциг» устози Юлиан Нагелсманнга қизиқиш билдирмоқда.

Айни вақтда «Лейпциг» мюнхенликлардан ҳеч қандай таклиф олмаган. Шундай бўлса-да, Ханс-Дитер Фликнинг Германия терма жамоасига бош мураббий бўлиши ҳақидаги хабарлар клубни янги мураббий излашга тушиш эҳтимолини оширмай қолмайди.

«Лейпциг» Нагелсманни қўйиб юборишни истамаяпти, лекин «Бавария»дан таклиф бўлса, мутахассис учун 15-20 млн евро талаб қилишини маълум қилди, дея хабар берди Sport1.

Нагелсманн 2019 йилдан бери «Лейпциг»ни бошқариб келмоқда. 33 ёшли мураббий бунга қадар «Хоффенҳайм» клубини бошқарган.