Швейцария футбол ассоциацияси чеченистонлик бизнесмен Булат Чагаевга тегишли “Ксамакс” клубини мамлакат чемпионатида иштирок этиш ҳуқуқини берадиган лицензиясини бекор қилади, дейилади маҳаллий оммавий ахборот воситаларида.

Бунга сабаб қилиб, клуб томонидан белгиланган қонун-қоидалар қўпол тарзда бузилгани кўрсатилмоқда.

Агар “Ксамакс” вакиллари беш кун ичида ассоциацияга апелляция бермаса, улар Швейцария чемпионатида иштирок этишдан маҳрум бўлган тўртинчи жамоага айланишади. 

Эслатиб ўтамиз, “Ксамакс” қишки танаффусдан кейин чемпионат доирасида 4 февраль куни “Лозанна” клубига қарши майдонга тушиши белгиланган.