Мадриднинг «Реал» клуби ёзги трансферлар учун маблағ йиғиб олиш мақсадида бир қанча ўйинчиларини сотишни режалаштирмоқда.
Гарет Бэйл, Марсело ва Иско сингари юқори маош олувчи футболчилар клубни эркин агент сифатида тарк этишлари мумкин. Шунингдек, сотувга Альваро Одриосола, Лука Йович ва Мариано Диаслар ҳам қўйилади.
Шу ўринда бир нечта футболчилар: Винисиус Жуниор, Федерико Вальверде, Мартин Эдегор ва Родриго Гоэс ҳар қандай ҳолатда ҳам сотилмайди, дея хабар берди Маrcа. «Реал» мазкур ўйинчиларни клубнинг келажакдаги фаолиятида асосий роль ўйнайди деб ҳисобламоқда.
Шунингдек, жамоа етакчилари ҳисобланган Карим Бензема, Тибо Куртуа, Каземиро ва Тони Кроос ҳам сотилмайдиган ўйинчилар қаторига киритилган.
