«Атлетик Билбао» ҳамда «Барселона» ўртасидаги баҳсда Хуан Мартинес Мунуэра бошчилигидаги ҳакамлар бригадаси ишлайди.
Октабр ойида бўлиб ўтган «эл-класико»дан кейин «Барселона» мазкур рефери устидан Испания футбол федерациясига шикоят хати ёзганди. Клеман Лангле ва Серхио Рамос ўртасидаги яккакурашдан кейин «Барселона» дарвозасига пенальти белгиланиши каталонияликлар норозилигига сабаб бўлганидан хабарингиз бўлса керак.
Ушбу тўқнашувда ВАР тизими учун жавобгар Хосе Луис Гонсалес, захира ҳаками эса — Гилермо Куадра Фернандес.
Испания Кубоги финали Тошкент вақти билан 17 (18)-апрель куни 00:30 да бошланади.
