«Нюкасл» ва Англия миллий терма жамоасининг собиқ ҳужумчиси Алан Ширер «Тоттенхем» аъзоси Ҳарри Кейн ҳақида фикрларини билдириб ўтди.

Унга кўра, бу Кейннинг «шпорлар» сафидаги сўнгги мавсуми бўлиши мумкин. «Мен Ҳаррини ҳар томонлама жуда ҳурмат қиламан. Бироқ, мен унга шуни айтган бўлардим: Кейн бу ёзда жамоадан кетиши керак. Чунки унда бошқа бундайин имконият бўлмаслиги мумкин. У фаолиятидаги муҳим нуқтага яқинлашмоқда.

Ҳозир у энг юқори чўққида. Шубҳам йўқки Кейнни сотиб олган клуб ютса ютадики ютказмайди. Бундан ташқари, у клубига катта молиявий фойда олиб келади. Кейн ҳозир конкрет танлов қилишига тўғри келади. Аминманки, у буни жуда яхши тушунади», - дейди Ширер.