«Барселона» бош мураббийи Рональд Куман «Атлетик»ка қарши финал олдидан ўз фикрларини билдирди.

"Бизга ортиқча мотивация керак эмас. Таркибимиздаги барча футболчилар катта тажрибага эга. Айниқса бугун Месси учун аталишига ишонаман.

У бу каби йирик баҳсларда нима қилиш кераклигини жуда яхши билади. Айни дам унинг тайёргарлиги максимал даражада. Тўғри, охирги иккита ўйинимиз кўнгилдагидек чиқмади. Катта энергия йўқотдик.

Бунга асосий сабаб қилиб миллий терма жамоа йиғинларини келтириш мумкин. Бироқ ҳозир ушбу омилларни баҳона қилиб ўтирадиган пайт эмас. Шубҳасиз, энг яхши футболимизни намойиш этамиз, - дейди Куман.

Эслатиб ўтамиз, «Атлетик» - «Барселона» учрашуви бугун тунда старт олади.