"Локомотив" ҳужумчиси Темурхўжа Абдухолиқов Ўзбекистон чемпионати 6-тури доирасида «Бунёдкор» устидан қозонилган ғалабадан кейинги ғалаба ҳақида гапирди.

— Аввало ғалаба билан табриклаймиз. Ўйин ҳақида гапирсангиз.
— Табриклар учун раҳмат. Ўз навбатида клуб мухлислари, шу ерда ишлаётган барчани, шунингдек, шу клуб учун қайғурадиганларни ҳам ғалаба билан табриклаб қоламан. Икки жамоа ҳам ўйинни эхтиёткорлик билан бошлади. Дастлабки бўлимда ўз вазиятларимиздан фойдалана олмадик. Аммо иккинчи бўлимда тезкор гол уриб, ўйиннинг боришини ўзгартириб юбордик. Гол ўтказиб юборганимиздан кейин ҳимояда бироз саросима бўлди. Лекин ҳимояда яхши ўйин намойиш қилдик. «Бунёдкор»ни қарши ҳужумда ушлашга ҳаракат қилдик. Асосийси — уч очко қўлга киритилди.

— Жамоа ғалабалар йўлига қайтаётганидан футболчилар Микаэл Секейранинг услубига мос тушмоқда, десак бўладими?
— Албатта. Клопп «Ливерпуль»да совринлар қўлга киритиши учун бир неча йиллар керак бўлди. Сулшер ҳам бир неча йиллар ўтиб, «Юнайтед»да яхши жамоа шакллантирди. Ҳа, сабр қилиш, мослашув учун вақт бериш керак. Биз жамоа сифатида, Микаэл Секейра эса мураббий сифатида ўсишга эришяпмиз.

— Голингизни чақалоққа бағишладингиз. Бу кимга аталганди?
— Бу Улуғбек ака эдилар. Шу орқали уни туғилган куни билан табрикладик. Ўйин пайтида бу эсдан чиққан экан. Жамоадошларимиз билан голни шу тариқа нишонлашга қарор қилдик.