Бироз олдин, Саудия Арабистони чемпионати доирасида “Аш-Шабоб” ва “Ар-Роид” жамоалари ўртасида 17-тур учрашуви якунланди.

Сизга яхши маълумки, “Аш-Шабоб” таркибида терма жамоамиз сардори Сервер Жепаров ҳам ҳаракат қилади. Жамоанинг бу сафарги рақиби 17 ўйиндан атиги учтасида ғалаба қозониб, турнир жадвалининг сўнгги поғоналаридан бирини эгаллаб келаётганди. Аммо пешқадамга қарши меҳмонлар жуда қаттиқ қаршилик кўрсатишди. 2:2 ҳисоби ўйиннинг энг сўнгги дақиқасигача сақланиб турди.  Охирги дақиқадагина, жамоанинг бразилиялик легионери Фернандо Менегаццо тўп киритиб, жамоасига уч очко олиб келди.

Ушбу ғалабадан сўнг, Сервер Жепаров жамоадошлари 41 очко тўплаган ҳолда турнир жадвалини бошқариб турибдилар. Лекин иккинчи ўринда бораётган “Ал-Аҳли” жамоаси битта кам ўйин ўтказиб, 39 очко тўплаган.