Лондоннинг «Тоттенхем» клуби лавозимини тарк этган Жозе Моуриньо ўрнига номзодлар излашда давом этади.
The Athletic нашри маълумотларига кўра «шпорлар» «Атлетик» бош мураббийи Марселино Торал билан алоқага чиқишган. Манбанинг ёзишича, испаниялик мутахассис айни пайтда ушбу лавозимга асосий номзод сифатида кўриляпти. Шунингдек, номзодлар орасида яна Роберто Мартинес (Бельгия), Юлиан Нагельсманн ("РБ Лейпциг") ҳамда Скотт Паркер ("Фулхэм") номлари бор.
Бироқ «Тоттенхем» раҳбарияти янги мураббий билан маош масаласида қийинчиликларга учраши ҳам мумкин. Чунки Моуриньо бўшатилишидан олдин клубда 17 миллион евро маош олган.
