18 январ куни "Андижон" жамоаси "Навбаҳор"га қарши назорат учрашувини ўтказганидан хабарингиз бор. Ўйинда 1:0 ҳисобида ғалаба қозонган "Андижон" бош мураббийи Александр Аверьянов, шу куни қўли остидаги кўплаб ўйинчиларни синовдан ўтказиб олди.
Қишки ўқув-машғулот йиғинларининг иккинчи қисмини тугатиш арафасида турган андижонликлар, ўз таркибларини бироз белгилаб олишлари керак эди. "Навбаҳор" га қарши кечган учрашувдан кейин "Андижон"ни бир қатор футболчилар тарк этганлиги маълум бўлди.
Дарвозабон Артём Петросян, ҳимоячилар - Маҳмуд Абдруаҳмонов ва Бобур Акбаровлар жамоа йиғинини тарк этишган. Ундан бироз аввалроқ, Илья Крикунов ҳам Андижонни тарк этган эди. Маълумотларга қараганда "Андижон" 20 январ куни Тошкентда навбатдаги ўқув-йиғини ташкил этади. Тошкентга жамоа кўригидан ўтиш учун дарвозабон Артур Мейранов ҳамда бразилиядан яна икки нафар футболчининг ташриф буюриши кутилмоқда.
