Полшада ёшлар ўртасида бокс бўйича жаҳон чемпионати якунига етмоқда. Бугун қизлар ўртасида финал баҳслари бўлиб ўтади.
Ярим финал босқичига терма жамоамизнинг 10 нафар вакили етиб келди ва мусобақанинг шунча медалини нақд қилиб қўйишди. Финал учун кечган муросасиз баҳслар якунида 4 нафар боксчимиз олтин медаль учун рингга кўтариладиган бўлди. Регламентга кўра, бугун қизлар ўртасида, эртага йигитлар ўртасида финал жанглари бўлиб ўтади. Жаҳон чемпионлиги учун рингга кўтариладиган боксчиларимиз билан танишинг:
22 апрель (қизлар):
-54 кг: Нигина Ўктамова – Христина Лакичук (Украина) – 19:30
-64 кн: Моҳинабону Абдуллаева – Азалия Аминева (Россия) – 20:15
Финалга етиб келган давлат вакиллари:
Ҳиндистон – 7;
Россия – 3;
Ўзбекистон, Қозоғистон ва Полша – 2 тадан;
Укарина, Франция, Туркия ва Молдовадан 1 тадан.
23 апрель (йигитлар):
-52 кг: Шаҳзод Музаффаров – Евгений Жоров (Россия) – 19:15
+91 кг: Жаҳонгир Зокиров – Ховханнес Папазян (Арманистон) – 23:15
Финалга етиб келган давлат вакиллари:
Россия – 5;
Қозоғистон – 4;
Украина – 3;
Ўзбекистон –2;
Ҳиндистон, Япония, Черногория, Куба, Полша, Арманистон 1 тадан.
Беллашувлар Тошкент вақти билан кўрсатилган. Ундан аввалги жангларнинг якунланишига қараб вақт ўзгариши мумкин.
Шу тариқа, жамоамиз ҳисобида ҳозирда 6 та бронза медали нақд. Қолган 4 медалнинг қандай бўлиши финал баҳсларидан сўнг маълум бўлади. Биз бу борада боксчиларимизга фақат ва фақат ғалаба тилаб қоламиз.
