Россиянинг Санкт-Петербург шаҳрида бокс бўйича Губернатор кубогининг навбатдаги куни ўз якунига етди. Ушбу кун дастурида 3 нафар вакилимиз чорак финал жангини ўтказди.

Дастлаб Буэнос-Айрес-2018 ўсмирлар Олимпиадаси чемпиони Абдумалик Халаков россиялик Жамал Бадрутдиновга қарши баҳс олиб бориб, 4:1 ҳисобида ғалаба қозонди. Шундан сўнг Бобоусмон Батуров молдовалик Дмитрий Галагосни яққол устунлик билан мағлуб этди. Афсуски, -81 кг вазн тоифасида кечган баҳсда Дилшодбек Рўзметов қозоғистонлик Бекзад Нурдаулетовга имкониятни бой бериб қўйди.

-60 кг: Абдумалик Халаков – Жамал Бадрутдинов (Россия) 4:1
-69 кг: Бобоусмон Батуров – Дмитрий Галагос (Молдова) 5:0
-81 кг: Дилшод Рўзметов – Бекзад Нурдаулетов (Қозоғистон) 0:5

Эслатиб ўтамиз, бундан аввалги чорак финал баҳслари доирасида Нодир Мирзаҳмедов (-49 кг), Шаҳобиддин Зоиров (-52 кг), Миразизбек Мирзаҳалилов (-57 кг) ва Баҳодир Жалолов (+91 кг) ҳам ғалаба қозониб, ярим финал йўлланмасини нақд қилишган эди.