Қозоннинг "Рубин" клуби ярим ҳимоячиси Кристиан Нобоа Москванинг "Динамо" клубига йўл олаётгани борасидаги хабарни тасдиқлади.
"Ҳа, мен чиндан ҳам "Динамо" сафида ўйнайман. Бу қарорга келишимга кўплаб сабаблар бор. Узоқ вақт ўйлаб яхши қарорга кела олдим деб ўйлайман. Чунки аъло даражадаги клуб сафига ўтмоқдаман.
Бу қарорни мендан ташқари оилам ҳам қўллаб-қувватлади. Авваллари Россияда бу қадар кўп қолиб кетишим ҳақида ўйламагандим. Шу ерда оила қурдим ва ўғлим дунёга келди. "Рубин"да ўтган кунларимдан жуда мамнунман", дейди Нобоа Эквадорнинг "Caravan" радиосига берган интервьюсида.
Лотин Америкасининг "Tera Deportes" нашри маълумотига кўра, Нобоанинг трансфер нарҳи 8-10 миллион еврони ташкил қилади.
