“Зенит” ҳимоячиси Томаш Ҳубочан журналистларга “Бунёдкор” билан ўйиндан кейинги таассуротлар ва Ироқ олимпия терма жамоаси ўйини олдидан ўй-фикрлари билан ўртоқлашди.
- Бу бизнинг биринчи ўйинимиз эди. Биз ҳам гол урдик, ҳам ўтказиб юбордик. Жуда катта жисмоний босимда ўйнадик, лекин барибир ғалаба қозондик. Ўзбеклар жанговар йигитлар экан. Майдонда шунақа экани аниқ, ҳаётда ҳам шундайми, йўқми, билмайман. Мен умуман ўзбекларни билмайман.
Ироқ олимпия терма жамоаси ҳақида маълумотга эга эмасман. Ўйин мобайнида буни ҳам билиб оламиз. Биз хотиржам ва эҳтиёткор бўлишимиз керак, - деди словакиялик ҳимоячи
