Дортмунднинг «Боруссия» клуби келаётган ёзда ярим ҳимоячи Жуд Беллингемни сотмоқчи эмас. Бу ҳақда инсайдер Фабрицио Романо хабар таратди. Айни пайтда футболчига Англиянинг қатор клублари қизиқиш билдиришмоқда. Ўз ўрнида дортмундликлар ҳам англиялик футболчига умид боғлашган.
Беллингем «Бирмингем» тарбияланувчиси ҳисобланади. «Боруссия Д» сафида 2020 йилнинг июлидан буён тўп суради. Жорий мавсумда 17 ёшли футболчи барча турнирларда 42та учрашув ўтказди.