А Серия етакчиси «Интер» Антонио Конте бошчилигида иккинчи май куни чемпионга айланиши мумкин. Мусобақа якунланишига беш тур қолганида «нерадзуррилар» энг яқин тақибчисидан («Аталанта») 11 очко олдинда бормоқда.

1 май, шанба куни клуб чемпионат аутсайдери «Кротоне» га қарши ўйнайди. «Аталанта» эса ўз навбатида иккинчи майда «Сассуоло» майдонига ташриф буюради.

Агар «Интер» «Кротоне»ни мағлубиятга учратса ва «Аталанта» «Сассуоло» билан баҳсда очко йўқотса, Антонио Конте шогирдлари А Серия бош титулини муддатидан олдин ютиб олишади.

Сўнгги марта «Интер» 2010 йилда Италия чемпиони бўлган эди. Ўшанда Милан клубини Жозе Моуриньо бошқарган.