Хабарингиз бор, аргентиналик афсона Диего Марадона ўтган йилнинг 25 ноябрида вафот этганди.
Ушбу ҳолат бўйича текширув ўтказган махсус тиббий комиссия собиқ футболчининг ўлимида қисман шифокорлар айбдор эканлигини аниқлади.
Комиссия хулосалари Марадонага мутлақо бошқача эътиборда бўлинганлигини тасдиқлаяпти. Айбланувчи шифокор Леопольдо Луке ва психиатр Августина Косач аргентиналикнинг кўплаб касалликларини эътиборсиз қолдиришди. Хусусан, биз аввалроқ жигар циррози ва юрак муаммолари ҳақида гапиргандик.
Таъкидланишича, айблов моддаси қайта кучга киради. Марадонанинг ўлимида айбдор бўлган шифокорлар 25 йилгача қамалиши мумкин.
