2022 - йилда "Ювентус "шартномаси якунига етадиган португалиялик Криштиану Роналду ушбу ёзда жамоадан кетиши мумкин. Чунки, Турин клуби футболчи билан янги шартнома борасида келишгани йўқ ва кейинги мавсумда эркин агент мақомида қўйиб юбормаслик учун ҳам "кекса синьора" португалияликдан воз кечмоқчи.
Футболчининг ўзи ҳам жиддий тарзда клубини ўзгартириш ҳақида ўйламоқда. Португалиялик ЧЛда ғалаба қозониш учун кураша оладиган ва унга етарли ўйин амалиёти берадиган клубни кўриб чиқмоқда.
ПСЖ Роналдунинг молиявий талабларини ҳам қондиришга тайёр. "Манчестер Юнайтед" ҳам ўйинчига қизиқмоқда, аммо клуб унинг молиявий талабларини қондира олмайди.
36 ёшли ҳужумчи жорий мавсум барча мусобақаларда 39та ўйинда майдонга тушиб, 32та гол ва 4та ассист қайд этди.
