«Арсенал» сардори Робин ван Перси Премьер-лиганинг якшанба куни ўтказиладиган марказий ўйинида «МЮ»дан муносиб ўч олиш иштиёқида ёнаётганини яшириб ўтирмади.
«Биринчи даврадаги ўйинда «Олд Траффорд»да учраган мағлубиятимизни ҳали унута олганимиз йўқ. 2:8 ҳисобида мағлуб бўлиш жуда ёқимсиз. Ўша ҳисоб якшанба кунги ўйинимизда бизга етарлича чоғланиш беришига ишонаман. Жамоамиздаги барча йигитлар худди мен сингари улардан ўч олиш иштиёқида ёнмоқдамиз. Биз рақибни ҳурмат қиламиз.
«Манчестер Юнайтед» жуда қийин вазиятга тушиб қолган пайтда ҳам, принципиал ўйинларни юқори савияда ўтказа оладиган клублар сарасига киради. Биз қараб турмаймиз, улар билан ҳақиқий жанг бўлишига шубҳам йўқ»,- деган «Арсенал» сардори Премьер-лига расмий сайтига берган интервьюсида.
