"Манчестер Сити" ҳужумчиси Серхио Агуэро ҳали келажаги тўғрисида якуний қарорни қилмаган ва Италия А сериясига ўтиши мумкин, деб хабар бермоқда инглиз матбуоти.
"Интер" ҳам 32 ёшли ҳужумчининг хизматларига қизиқиш билдирмоқда. "Нерразури" бошлиқлари аргентиналикнинг Чемпионлар Лигасидаги тажрибасини қадрлашади ва футболчини ёзги трансферлар ойнасида қўлга киритишга ҳаракат қилишади.
Бироқ, Агуэро Италия чемпионати етакчиси учун ягона имконият эмас. Агар келишув амалга ошмаса, "Интер" "Челси"дан Оливье Жиру ёки "Рома"дан Эдин Жекони сотиб олишга ҳаракат қилади.
"Интер"дан ташқари Агуэрога "Барселона" ва "Ювентус" ҳам қизиқиш билдирмоқда.
