30 ёшли ҳужумчининг тикланиш жараёнида кичик ўсиш кузатилди. Россиялик ўтган ҳафтада майдонда мaшғулот ўтказди.
Кокорин ушбу ҳафтада «Фиорентина»нинг умумий гуруҳ машғулотларига қайтиш эҳтимоли бор. Аммо, клуб бунга 100 фоиз кафолат бермади, дея ёзмоқда РБ Спорт.
Форвард А Сериянинг 34-тури доирасида «Болонья»га қарши бўладиган 2 май кунидаги ўйинга аниқ қатнаша олмайди.
Шунга қарамай, Кокорин 9 май санасида «Лацио»га қарши баҳсда захирада қолиш учун ҳолатини яхшилаб олиш имкониятига эга.
30 ёшли россиялик 3 ўйинда 79 дақиқа ҳаракат қилган, аммо жароҳати боис «бинафша ранглилар»нинг 8 учрашувини ўтказиб юборди.
